Be Misaal Tahareer

   اصحاب الرس اور حضرت حنظلہ علیہ السلام - عبرت کا ایک بھولا ہوا باب انسانی تاریخ میں ایسی بہت سی قومیں گزری ہیں جن کے نام اور نشان مٹ گئے لیکن ان کے قصے قرآن مجید نے محفوظ کر لیے تاکہ آنے والی نسلیں ان سے سبق حاصل کریں۔ انہی قوموں میں سے ایک قوم اصحاب الرس ہے۔ یہ ایک ایسی قوم تھی جس کا ذکر قرآن میں بہت اختصار کے ساتھ آیا ہے لیکن اس اختصار میں ایک بڑی عبرت چھپی ہوئی ہے۔  اللہ تعالیٰ قرآن میں فرماتا ہے: وَعَادًا وَثَمُودَا وَأَصْحَابَ الرَّسِّ وَقُرُونًا بَيْنَ ذَلِكَ كَثِيرًا (سورۃ الفرقان: 38) اور دوسری جگہ فرمایا: كَذَّبَتْ قَبْلَهُمْ قَوْمُ نُوحٍ وَأَصْحَابُ الرَّسِّ وَثَمُودُ (سورۃ ق: 12) قرآن کا یہ اعجاز ہے کہ وہ کبھی کبھی صرف ایک لفظ میں پوری تاریخ سمیٹ دیتا ہے۔ اصحاب الرس کے بارے میں بھی ایسا ہی ہے۔ رس عربی زبان میں اس کنویں کو کہتے ہیں جو پختہ نہ بنایا گیا ہو، کچا کنواں، یا وہ کنواں جو گر جائے اور اس کی مرمت نہ کی گئی ہو۔ بعض لغت دانوں نے رس کے معنی گڑھا اور کھڈا بھی کیے ہیں۔ یعنی یہ وہ لوگ تھے جو کنویں کے کنارے آباد تھے۔ ان کا سارا تمدن، ساری معیشت اور ساری زندگی...

  غار والے نوجوان جب ایمان نے 309 سال کی نیند کو شکست دے دی کبھی کبھی دل میں یہ سوال اٹھتا ہے کہ اس دور میں حق پر کھڑا رہنا کتنا مشکل ہو گیا ہے۔ ہر طرف دباؤ ہے، خوف ہے، لالچ ہے، دنیا کی چمک ہے۔ لیکن جب ہم تاریخ کے اوراق پلٹتے ہیں تو ہمیں ایک ایسا واقعہ ملتا ہے جو آج بھی ہمارے ایمان کو تازہ کر دیتا ہے۔ وہ واقعہ ہے اصحابِ کہف کا۔ یہ کوئی فرضی کہانی نہیں، یہ قرآن کی سچی گواہی ہے۔ سورۃ الکہف کی آیات 9 سے 26 میں اللہ تعالیٰ نے اس واقعے کو بڑی محبت اور تفصیل سے بیان فرمایا ہے۔ کہتے ہیں کہ روم کی سلطنت کے مشہور شہر افسوس میں ایک بادشاہ حکومت کرتا تھا، جس کا نام دقیانوس تھا۔ وہ اپنے آپ کو خدا کہلواتا تھا۔ اس نے حکم دے رکھا تھا کہ سب لوگ میرے بنائے ہوئے بتوں کو سجدہ کریں۔ جو انکار کرے گا، اسے قتل کر دیا جائے گا۔ حوالہ: تفسیر ابن کثیر، سورۃ الکہف، تاریخی حوالہ: رومی شہنشاہ ڈیسیئس کا دور 249 تا 251 عیسوی پورا شہر اس کے خوف سے کانپتا تھا۔ لیکن اسی شہر میں سات نوجوان ایسے تھے، جن کے دلوں میں اللہ نے ہدایت کا چراغ جلا دیا تھا۔ یہ نوجوان شہر کے معزز اور امیر گھرانوں سے تھے، شاہی دربار سے ان کا تع...

قرآن میں مذکور 25 قومیں - عبرت کا آئینہ بسم اللہ الرحمن الرحیم قرآن مجید محض قصوں اور کہانیوں کی کتاب نہیں، یہ عبرت اور بصیرت کا صحیفہ ہے۔ اللہ رب العزت نے جب بھی کسی قوم کا تذکرہ کیا ہے تو اس کا مقصد محض تاریخ بیان کرنا نہیں تھا، بلکہ آنے والے انسانوں کے لیے ایک زندہ آئینہ رکھ دینا تھا کہ دیکھو، جن راستوں پر وہ چلے، اگر تم بھی چلو گے تو انجام وہی ہوگا۔ قرآن کی ورق گردانی کی جائے تو تقریباً پچیس ایسی قوموں اور بستیوں کا ذکر ملتا ہے جنہیں اللہ نے اپنی نافرمانی، تکبر اور سرکشی کی پاداش میں یا تو ہلاک کر دیا، یا ایسی عبرت بنا دیا کہ رہتی دنیا تک ان کا نام باقی رہے۔ آئیے ان قوموں پر ایک سرسری مگر ایمان افروز نظر ڈالتے ہیں۔ 1۔ قومِ نوح انسانی تاریخ کی پہلی بڑی نافرمان قوم۔ ساڑھے نو سو سال تک حضرت نوحؑ انہیں سمجھاتے رہے، مگر وہ بت پرستی پر اڑے رہے۔ بالآخر عظیم طوفان آیا جس نے روئے زمین سے ان کے وجود کو مٹا دیا۔ 2۔ قومِ عاد حضرت ہودؑ کی قوم۔ اپنے لمبے قد، طاقت اور بڑے بڑے محلات پر ان کو ناز تھا۔ کہتے تھے ہمیں کون ہرا سکتا ہے؟ اللہ نے سات رات اور آٹھ دن کی خوفناک آندھی سے انہیں خس و خاشاک کی ط...

 شیخ علی کریسا کی زندگی کا روشن باب کچھ لوگ تاریخ میں نام سے نہیں، اپنے کام سے زندہ رہتے ہیں۔ ان کی زندگی شور نہیں کرتی، مگر خاموشی سے دلوں میں چراغ جلا دیتی ہے۔ کینیا کی سرزمین کے ایک گمنام سے داعی شیخ علی کریسا رحمہ اللہ بھی ایسی ہی ایک شخصیت تھے۔ ان کی کہانی صرف ایک شخص کے مسلمان ہونے کی کہانی نہیں، بلکہ صبر، استقامت اور اللہ پر توکل کی ایک زندہ تفسیر ہے۔ کہا جاتا ہے کہ ان کی انتھک محنتوں سے افریقہ کے دور دراز جنگلوں اور بستیوں میں چالیس ہزار کے قریب لوگ کلمہ حق سے آشنا ہوئے۔ اندھیروں میں روشنی کی تلاش شیخ علی جس خاندان میں آنکھیں کھولیں، وہاں اسلام کا چرچا نہ تھا۔ ماحول بالکل مختلف تھا۔ لیکن قدرت کا نظام عجیب ہے، ہدایت کے پھول کبھی کبھی بنجر زمینوں میں بھی کھل جاتے ہیں۔ بچپن ہی میں ان کے دل میں دین اسلام کی محبت کا ایک بیج پڑ گیا۔ نہ کسی نے انہیں باقاعدہ دعوت دی، نہ کسی مدرسے کا سنا ہوا سبق تھا، بس دل نے گواہی دی کہ سچا راستہ یہی ہے، اور انہوں نے لبیک کہہ دیا۔ یہ فیصلہ آسان نہ تھا۔ اس کی قیمت بہت بڑی تھی۔ جب ان کے والد کو معلوم ہوا کہ ان کا بیٹا اپنے آبائی عقائد چھوڑ کر ایک نیا...

سلف صالحین فضول کلام ناپسند کرتے تھے  حفظِ زبان کی اہمیت زبان اللہ تعالیٰ کی دی ہوئی سب سے بڑی نعمت ہے اور اس زبان کے ذریعے ہی انسان یا تو عزت و سرفرازی حاصل کرتا ہے یا ذلت و رسوائی کا شکار ہو جاتا ہے۔ اسلام نے زبان کی حفاظت کو ایمان کا حصہ قرار دیا ہے اور ہر مسلمان کو اس بات کا حکم دیا ہے کہ وہ اپنی زبان سے صرف بھلی، حق اور فائدہ مند بات ہی نکالے۔ سلف صالحین کا معمول تھا کہ وہ فضول اور لغو کلام سے سخت پرہیز کرتے تھے، کیونکہ وہ جانتے تھے کہ ہر بات کو فرشتہ لکھ رہے ہیں اور قیامت کے دن اس کا حساب لیا جائے گا۔ آج کے دور میں جہاں سوشل میڈیا اور بے فائدہ گفتگو عام ہو چکی ہے، ہمیں سلف صالحین کے طرزِ عمل کو اپنانے کی سخت ضرورت ہے۔ سلف صالحین کا طرزِ عمل سلف صالحین رحمہم اللہ نے اپنی زندگیاں خاموشی اور ذکرِ الہی میں گزاریں۔ وہ فضول بات کو وقت کا ضیاع اور دل کی سختی کا سبب سمجھتے تھے۔ کانوا یطولون الصمت یعنی سلف خاموشی کو طول دیتے اور کم کلام کرتے تھے۔ امام شافعی رحمہ اللہ فرماتے ہیں: اگر تمہیں بات کرنی ہو تو سوچو، اگر وہ خیر ہے تو بولو ورنہ خاموش ہو جاؤ۔ امام عطاء بن ابی رباح (114ھ) کا قول...

  نبی کریم صلی اللہ علیہ والہ وسلم ہمارے سب سے بڑے لیڈر ہیں اور ہمیں ان کی ذات پر اور ان کی تعلیمات پر فخر ہے دورِ حاضر میں ہر شخص عاشقِ رسول صلی اللہ علیہ وسلم اور مذہبی ہونے کا دکھاوا تو کرتا ہے مگر مذہبی احکامات اور نبی اکرم صلی اللہ علیہ وسلم کی تعلیمات پر عمل کرنا بہت گراں گزرتا ہے۔۔ اس بات میں کوئی شک نہیں کہ نبی کریم صلی اللہ علیہ وسلم کی چھوٹی چھوٹی تعلیمات اور چھوٹے چھوٹے اعمال میں بھی ہمارے لیے خیر و برکت اور بھلائی کا عنصر پوشیدہ ہے مگر افسوس ہم ان کو چھوٹا سمجھ کر نظر انداز کر دیتے ہیں جس کی بنیاد پر سینکڑوں مسائل جنم لے لیتے ہیں اور معاشرے میں ایک بگاڑ کا موجب بنتا ہے  نبی کریم صلی اللہ علیہ وسلم اور صحابہ کرام رضی اللہ تعالی عنہم کا اصول تھا کہ جب کوئی خبر ان کے پاس پہنچتی تو اس کی ہر پہلو سے تصدیق کی جاتی اور اس کے بعد اس کو آگے پہنچایا جاتا تاکہ کسی قسم کا کوئی بگاڑ پیدا نہ ہو۔ اب ہم آتے ہیں اصل وقوعہ کی طرف، ہم یہ بات بخوبی جانتے ہیں کہ سوشل میڈیا ایک فتنہ ہے جہاں پر ایک عام سی بات کو بہت بڑھا چڑھا کر مرچ مصالحہ لگا کر پیش کیا جاتا ہے اور بعض دفعہ بات کو اتنا ...

 ہنسنے اور رونے کا معیار اللہ تعالیٰ نے انسانی چہرے کو عجیب اسرار کا مجموعہ بنایا ہے۔ اسی چھوٹے سے چہرے پر کبھی خو شی کے پھول کھلتے ہیں تو کبھی غم کے بادل چھا جاتے ہیں۔ آنکھ ایک ہی ہے، کبھی وہی آنکھ خوشی سے چمک اٹھتی ہے اور کبھی اسی آنکھ سے غم کے آنسو بہہ نکلتے ہیں۔ ہونٹ ایک ہی ہیں، کبھی انہی ہونٹوں پر مسکراہٹ سجتی ہے اور کبھی انہی پر آہ و بکا کا پہرہ ہوتا ہے۔ یہ ہنسنا اور رونا محض عادتیں نہیں، یہ انسان کے دل کی کھڑکیاں ہیں۔ یہ بتاتی ہیں کہ دل کے اندر کیا ہے؟ امید ہے یا مایوسی؟ خوف ہے یا غفلت؟ دنیا نے ہنسنے اور رونے کے اپنے معیار بنا رکھے ہیں۔ دنیا کہتی ہے جس چیز سے تمہیں فائدہ پہنچے اس پر ہنسو، اور جس سے نقصان ہو اس پر روؤ۔ دنیا کی نظر میں ہنسی کامیابی کی علامت ہے اور رونا ناکامی کی۔ لیکن انبیاء کی دنیا کا معیار بالکل الگ تھا۔ وہاں ہنسی اور آنسو کا تعلق دولت یا غرض سے نہیں، دل سے تھا۔ وہاں ہنسی اللہ کی رحمت کی امید پر ہوتی تھی اور رونا اس کے قہر کے خوف سے۔ ان کے نزدیک اصل سوال یہ نہیں تھا کہ کتنا ہنسنا ہے، بلکہ یہ تھا کہ کہاں ہنسنا ہے اور کہاں رونا ہے؟ کس کے سامنے ہنسنا ہے اور کس ...

کھجور - صحرا کا میٹھا معجزہ اور سنتِ نبوی ﷺ اللہ تعالیٰ نے انسان کے لیے اس کائنات میں بے شمار نعمتیں بکھیر دی ہیں۔ ان نعمتوں میں پھل ایک ایسی نعمت ہیں جو آنکھوں کو بھی بھاتے ہیں اور جسم کو بھی توانائی دیتے ہیں۔ انہی پھلوں میں کھجور کو وہ مقام حاصل ہے جو کسی اور پھل کو نہیں ملا۔ یہ بیک وقت غذا بھی ہے، مٹھائی بھی ہے، دوا بھی ہے اور سراپا برکت بھی ہے۔ یہ وہ واحد پھل ہے جسے قدرت نے صحرا کی تپتی دھوپ میں پیدا کیا۔ جہاں پانی کا نام و نشان نہیں ہوتا، جہاں ہریالی کا تصور بھی مشکل ہے، وہاں کھجور کا درخت تن تنہا کھڑا، صدیوں تک انسانوں کو اپنی مٹھاس بانٹتا رہتا ہے۔ کھجور کی دنیا بہت وسیع ہے۔ اس کی کوئی ایک دو قسم نہیں بلکہ اللہ نے اس میں اتنا تنوع رکھا ہے کہ عقل حیران رہ جاتی ہے۔ کوئی لمبی اور پتلی ہے، کوئی گول اور موٹی، کوئی سنہری ہے تو کوئی کالی۔ دنیا بھر میں اس کی چھ سو سے زائد اقسام پائی جاتی ہیں۔ مدینہ منورہ کی عجوہ، عنبر اور مبروم، سعودی عرب کی سکری اور صفاوی، اور ہمارے پاکستان کے ضلع ڈیرہ اسماعیل خان اور خیرپور کی ڈھکی، اصیل اور بیگم جنگی، ہر ایک کا ذائقہ دوسرے سے جدا اور ہر ایک اپنی مثال ...

انسانی تاریخ کا اگر بغور مطالعہ کیا جائے تو ایک حقیقت بڑی واضح ہو کر سامنے آتی ہے کہ جس معاشرے نے عورت کو عزت دی، اس معاشرے نے ترقی کی، اور جس معاشرے نے عورت کو پاؤں کی جوتی سمجھا، وہ معاشرہ زوال کا شکار ہو گیا۔ افسوس کے ساتھ کہنا پڑتا ہے کہ ہمارے معاشرے میں آج بھی عورت کے بارے میں دو انتہائیں پائی جاتی ہیں۔ ایک طبقہ ایسا ہے جو عورت کو گھر کی چار دیواری میں قید کر کے اسے صرف ایک نوکرانی سمجھتا ہے، اور دوسرا طبقہ ایسا ہے جو آزادی کے نام پر عورت کو اس کے اصل مقام سے گرا کر بازار کی زینت بنا رہا ہے۔ حالانکہ اسلام نے ان دونوں انتہاؤں کے درمیان ایک معتدل اور خوبصورت راستہ دیا ہے۔ اسلام نے عورت کو وہ مقام دیا ہے جو نہ مشرق دے سکا نہ مغرب۔ آج سوشل میڈیا پر ایک جملہ بہت گردش کر رہا ہے کہ "عورت کبھی بھی دو ٹکے کی نہیں ہوتی"۔ بظاہر یہ ایک عام سا جملہ لگتا ہے لیکن اس جملے کی گہرائی میں اگر اترا جائے تو اس میں پورے معاشرے کی اصلاح کا راز پوشیدہ ہے۔ آئیے اسی جملے کی روشنی میں عورت کے اصل مقام کو سمجھنے کی کوشش کرتے ہیں۔ ماں جنت ہے: ماں کے قدموں تلے جنت ہے، یہ صرف ایک کہاوت نہیں بلکہ نبی ک...

  عورت کا وجود کائناتِ انسانی کا حسن اور اس کی تکمیل کی ضمانت ہے۔ تاریخِ عالم گواہ ہے کہ ہر تہذیب اور ہر معاشرے نے عورت کے بارے میں اپنا ایک نقطۂ نظر پیش کیا، لیکن بدقسمتی سے اسلام سے قبل  تقریباً تمام تہذیبوں میں عورت کو کم تر، حقیر اور محض مرد کی خواہشات کی تکمیل کا ذریعہ سمجھا جاتا تھا۔ عرب کے جاہلی معاشرے میں بیٹی کی پیدائش کو عار سمجھا جاتا اور اسے زندہ درگور کر دیا جاتا، رومی اور یونانی تہذیب میں اسے شیطان کا آلہ کار قرار دیا جاتا، جبکہ ہندو معاشرے میں شوہر کی چتا کے ساتھ اسے بھی جلا دیا جاتا۔ ایسے تاریک دور میں اسلام طلوعِ آفتاب بن کر آیا اور اس نے عورت کو وہ مقام و مرتبہ عطا کیا جس کی نظیر دنیا کے کسی اور نظام میں نہیں ملتی۔ اسلام نے عورت کو محض حقوق ہی نہیں دیے بلکہ اسے عزت، وقار، شرف اور تقدس کی چادر عطا کی۔ اسی حقیقت کو ہمارے دور کے جید محقق اور عالمِ دین شیخ ربیع بن ہادی المدخلی رحمہ اللہ (١٤٤٧ھ) نے بڑے جامع انداز میں بیان فرمایا ہے۔ شیخ ربیع بن ہادی المدخلی رحمہ اللہ فرماتے ہیں:  "اسلام نے عورت پر عائد فرائض و واجبات کے مقابلہ میں اسے کہیں زیادہ حقوق سے نوازا...